منتدي الجيل الجاي
منتدي الجيــــــــــــــــل الجـــــــــــــــاي

منتدي الجيل الجاي

تعارف شات برامج العاب اغانى افلام غرائب(كل الي نفسك فيه هتلاقيه)
 
الرئيسيةالبوابةاليوميةس .و .جالتسجيلدخول

شاطر | 
 

 قالتلى وقلتلها .....beto

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زائر
زائر



مُساهمةموضوع: قالتلى وقلتلها .....beto   الجمعة أبريل 10, 2009 3:32 pm

بعد سنين من العذاب والجرح والهوان قابلت واحده وحبتها وماكنتش ملاك كانت انسان

حبتها من كل قلبى وخوفت اقولها.خوفت تكون دى النهايه واندم بعدها وقلت كفايه عليا اكون معاها و ابقى جمبها

وفى يوم هى حست بيا. حست بشوقى ليها وعذابى فى لياليا وكلمتها وقالت الكلام ده ليا :-



قالتلى : بحبك وقلبى هيكون دارك

هفضل جمبك وهكمل وياك مشوارك

هسهر فى ليلك و هحلى ليك مرارك

هعيش عشانك وهطفى بحبى نارك

....................

قلتلها : انا قلبى خلاص مجروح

انا بس عايش فى الدنيا حلاوه روح

اخاف احبك وتسبنى وتروح

وافضل انا فى ليلى اداوى واعد جروح

....................

قالتلى : ماتخافش منى ده انا قلبى خلاص بقى ليك

هعيش عشان بس افرح عينيك

ولو الدنيا كلها قسيت عليك

هكون انا الوحيدة اللى جمبك وحواليك

....................

قلتلها: اخاف في يوم ماقدرش اسعدك

واخدك من الدنيا وعن الناس ابعدك

مش هقدر اقولك لاء ولكن اوعدك

فى حياتى وروحى وبالى هوجدك

......................

قالتلى: خلاص هبقى ليك وانت ليا

هشوف الحياه بعنيك و احبها طول مانت حواليا

هنسى معاك نفسى والناس والدنيا ديه

ده انا كنت كرهت الدنيا ومعاك احلوت فى عنيا

.........................



وعشت ليها وادتها كل كيانى

حبتها بجد من جوه قلبى و وجدانى

ادتها كل حياتى وحبى وحنانى

بس يا خساره كنت بحب فى حد انانى

خانت وعودها ليا وهدمت كل احلامى

غيرت نظرتى للحياة وسودت فى عنيا ايامى

خلاص نستنى ونست كل كلامى

وخلاص هان عليها حبى ليها وغرامى



قلتلها :راح فين الحب والكلام اللى قلتى عليه

فين كلامك لقلبى ووعودك ليه

مش انا اللى قلتى هتسعديه وهتكونى دايماً حواليه

دلوقتى حبك خلص وقلبك قسى وكلامك اتغير ليه ؟

.........................

قالتلى : ده كان كلام فى لحظه طيش

حب ليك فى قلبى خلاص مفيش

انا عاوزه اختار واحب واعيش

وعيش انت وقلبك وناره اللى مابتنطفيش



ضحكت عشان اخبى دموعى اللى فى عنيا

وبصيت لاقيت مفيش حد حواليا

ولا حد شايفنى ولا حد حاسس بيا

قلت هو ده اللى بيجرالنا فى الدنيا ديه


الدنيا اللى الكل فيها بيقاسى

الانسان فيها بيجرح وينام يصبح ناسى

خلاص خلص كلامى ومات جوايا احساسى

يا زمان شوفت فيك اللى ماشافوش حد

قلت بكره تضحكلى يا زمن بس جرحك مالوش حد

قسيت قلبى بكيت عنيا

ومارحمتش ضعفى وجرحى اللى فيا

خلاص يا دنيا سايبك وراحل

ده انا عشت فيكى كتير مراحل

يوم حزن .......... ويومين شقى ........... وسنين حرمان

وكنت بقول بكره هفرح بس طلعتى يا دنيا مالكيش امان

ماعدتش بثق فى حد من البشر

ده حكايتى والله بتبكى الحجر

سايبك يادنيا

وافتكرى ذنبى

سايبك لان مالقتش حد يكون جنبى

سايبك وبقولها من كل قلبى

شكراًًاً
........
الرجوع الى أعلى الصفحة اذهب الى الأسفل
shevchenko
الوسام الذهبي
الوسام الذهبي
avatar

ذكر
عدد الرسائل : 1456
العمر : 22
المزااج :
تاريخ التسجيل : 18/12/2008

مُساهمةموضوع: رد: قالتلى وقلتلها .....beto   الأحد أبريل 12, 2009 9:17 pm

موضوع جاااااااااااااااامد
مشكوووووووووووووور
ياااااااااااااااااااا
beto
الرجوع الى أعلى الصفحة اذهب الى الأسفل
 
قالتلى وقلتلها .....beto
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الجيل الجاي :: قسم الجـــــــــــيل الجـــــــاي :: من غير كسووووف-
انتقل الى: